टोल सरसफाईमा जुट्दै गोकर्णेश्वर तालिन्चोक युवा क्लब

कपन अनलाइन

काठमाडौं,असार २६ । गोकर्णेश्वर नगरपालिका वडा नं ४ मा रहेको तालिन्चोक युवा क्लबले टोल सरसफाई  गरेको छ। बिगत देखिनै सरसफाई लगायत सामाजिक क्रियाकलापमा सक्रिय रहेको क्लबले शनिबार तालिन्चोकमा रहेको सार्वजनिक धारा मर्मत गर्नुको साथै उक्त क्षेत्र सरसफाई गरेको छ। क्लबले मेलम्ची ले बाटो बिस्तार  गर्दा  बेवारिसे भनेको   ढुंगे  धारा लाई  संरक्षण  गरि पुनस्थापना गरेको हो ।क्लबले सार्वजनिक जग्गा संरक्षण, वृक्षारोपण लगायतको कार्य गर्दै आएको र आगामी दिनमा पनि गर्दै जाने क्लबले जानकारी गराएको छ  ।

वडा सदस्य राजेश श्रेष्ठका अनुसार सफा वडा नै आफनो पहिचान, परिचय अनि सभ्यता  संग गासिएकोले आफु बस्ने  वडालाइ  सभ्य ,सफा र बिकसित  वडा वनाउनको लागि  स्थानीय युवाहरुको  सहयोग आवश्यक रहेको  बताएका छन। उनले युवाहरुले गर्ने सकारात्मक काममा वडा तथा आफ्नो सहयोग रहने भन्दै उक्त कार्यको प्रशंसा गरेका छन ।