विद्यार्थीहरुको रोजाईमा २५ वर्ष देखि निरन्तर शैक्षिक उन्नयनमा सक्रिय सेन्ट लरेन्स कलेज

कपन अनलाइन

काठमाण्डौ ,असार २४।

विगत २५ वर्ष देखि निरन्तर शैक्षिक उन्नयनमा सक्रिय रहेको सेन्ट लरेन्स कलेज एस ई ई दिएर बसेका विद्यार्थीहरुको रोजाईमा पर्दै आएको छ।उत्कृस्ट नतिजा,अध्ययन मैत्री वातावरण र अनुभवी प्राध्यापकहरुका कारण यस कलेजले नेपालको उच्च शिक्षा प्रदान गर्ने कलेजहरुको भिडमा बेग्लै पहिचान स्थापित गरेको छ।

काठमाण्डौ महानगरपालिका वडा नं ७ चाबहिल पिपल बोटमा रहेको यो कलेज सन् १९९७ देखि संचालनमा आएको हो। केजी देखि पीजी सम्म पठनपाठन हुने सेन्ट लरेन्स कलेजमा कक्षा ११ मा बिज्ञान ,व्यवस्थापन ,मानविकी र कानुन संकायका विभिन्न विषयहरु रहेका छन।

सैद्धान्तिक ज्ञानका साथसाथै प्रयोगात्मक सिपलाई पनि जोड दिँदै  कलेजले बैंक सम्बन्धी तालिम, होटल व्यवस्थापन सम्बन्धी तालिम, सञ्चालन गर्दै आएको छ भने  मानविकी संकायमा पत्रकारिता पढ्ने विद्यार्थीका लागि रेडियो, टेलिभिजन स्टुडियोहरूको भ्रमण गराई प्रयोगात्मक शिक्षा पनि  प्रदान गर्दै आएको छ।

काठमाण्डौ उपत्यकाका जुन सुकै स्थानबाट सजिलै पुग्न सकिने यस कलेजमा नियमित पठनपाठन संगै विद्यार्थीहरुको नेतृत्व र व्यक्तित्व विकासका लागि अतिरिक्त क्रियाकलापहरु पनि संचालन हुने गरेका छन।