नागार्जुन नगरपालिका पशु सेवा शाखाले आज एक दिने नि:शुल्क पशु स्वास्थ्य शिविर संचालन गर्दै

कपन अनलाइन

काठमाडौं, असार २२। नागार्जुन नगरपालिका पशु सेवा शाखाले आज एक दिने निशुल्क पशु स्वास्थ्य शिविर संचालन गर्दैछ। नागार्जुन नगरपालिका वडा नं ८ तेर्सागाउ घट्टेखोला स्थित शक्ति  बल्लभेश्वर मन्दिर देवल (सामुदायिक भवन)मा बिहान ८ बजे देखि अपरान्ह २ बजे सम्म शिविर संचालन हुने भएको हुँदा नगरपालिका भित्र रहेका पशुपालक कृषकहरुले आफुले पालेका पशु पंक्षीहरुको नि:शुल्क  औषधी उपचार गोबर परिक्षण बन्ध्याकरण, कृत्रिम गर्भाधान भ्याक्सिनेसन, गर्भ परिक्षण लगायत सेवा लिएर लाभ उठाउन पशु शाखाका  अधिकृत करन बहादुर कठायतले सार्वजनिक सुचना मार्फत जानकारी गराएका छन ।