कागेश्वरी मनोहरा नगरपालिका र रोटरी क्लब अफ बालाजु बिच ग्लोबल ग्रान्ट सम्बन्धी छलफल

कपन अनलाइन

काठमाडौँ असार २२ । कागेश्वरी मनोहरा नगरपालिका र रोटरी क्लब अफ बालाजु को संयुक्त रुपमा ग्लोबल ग्रान्ट(Global Grant) सँग सम्बन्धीत बैठक बसेको छ ।मंगलबार नगर प्रमुख उपेन्द्र कार्कीको अध्यक्षता नगरपालिकाको सभाहलमा बसेको उक्त बैठकमा कागेश्वरी मनोहरा नगरपालिकाका प्रमुख प्रशासकीय अधिकृत भोजराज घिमिरे, रोटरी क्लब अफ बालाजुको अध्यक्ष इन्दिरा मास्के श्रेष्ठ, रोटरी क्लब अफ बालाजुको सचिब  शोभा कुमारी पौडेल रोटरी क्लब अफ बालाजुको TRF चियर दिपक श्रेष्ठ, इन्जिनियर कुमार बिक्रम पराजुली लगायतको सहभागिता रहेको सो  बैठकले निम्न बिषयमा छलफल गरेको थियो ।

१) कागेश्वरी मनोहरा नगरपालिकाको वडा नं ६ र ७ मा मुलभूत रुपमा खानेपानीको समस्या रहेको हुँदा रोटरी को WASH कार्यक्रम अन्तर्गत उक्त वडाहरुको लागि कसरी समस्या समाधान गर्न सकिन्छ  भन्ने बिषयमा छलफल गरिएको  थियो ।

२) स्वास्थ्य सम्बन्धि Maternity Bag Distribution र Health Camp कुन कुन बिषयमा गर्न सकिन्छ भन्ने बिषयमा समेत छलफल भएको   नगरपालिकाले जानकारी गराएको  छ  ।