बुढानिलकण्ठ नगरपालिकामा माध्यमिक तह स्तरीय कविता वाचन प्रतियोगिता हुने

कपन अनलाइन

काठमाडौं, जेठ १९।  बुढानिलकण्ठ नगरपालिकामा माध्यमिक तह स्तरीय कविता प्रतियोगिता हुने भएको छ । बूढानीलकण्ठ शिक्षा तथा युवा महाशाखाले निर्माण गरेको शैक्षिक कार्यपात्रो २०७९ अनुसार जेष्ठ २७ गते माध्यमिक तह स्तरीय कविता प्रतियोगिता आयोजना हुन लागेको हो । मेरो लक्ष्य’ शीर्षकमा १५० शब्द देखि २०० शब्दसम्मको हुनु पर्ने सो प्रतियोगितामा कक्षा ९-१२ मा अध्ययनरत विद्यार्थीहरु मध्ये उत्कृष्ट एकवटा कविता छनोट गरी विद्यालयको आधिकारिक पोशाक र पत्र साथ सहभागी गराईदिनु हुन सबै माध्यमिक विद्यालयहरुलाई महाशाखाले अनुरोध गरेको छ ।

प्रतियोगिता बूढानीलकण्ठ नगरपालिका वडा नं ०८ स्थित महाँकाल जनजागृत मा.वि. मा सञ्चालन हुने छ ।प्रतियोगितामा प्रथमदितीय तृतीय र सान्त्वना  हुनेले क्रमश  नगद रु ३ हजार , २ हजार , १५ सय र १हजार सहित प्रमाण पत्र प्राप्त गर्ने पनि आयोजकले जनाएको छ ।