दक्षिणकाली नगरपालिका वडा नं ८ को अध्यक्षमा चतुर लामाको स्वतन्त्र उम्मेदवारी
कपन अनलाइन
काठमाडौं बैशाख १२ । २०७४ सालको स्थानीय तहको निर्वाचनमा दक्षिणकाली नगरपालिका वडा नं ८ मा जम्मा ९ मतले पराजित नेपाली कांग्रेसका उम्मेदवार चतुर लामाले स्वतन्त्र तर्फ बाट उम्मेदवारी दिएका छन।
दक्षिणकाली नगरपालिका वडा नं ८ को वडा अध्यक्ष पदका लागि उनले स्वतन्त्र तर्फ बाट उम्मेदवारी दर्ता गराएका हुन् । वडा अध्यक्ष उम्मेदवार लामाले दक्षिणकालिमा स्थापना गरिएको निर्वाचन अधिकृतको कार्यालयमा गएर उम्मेदवारी दर्ता गराएका हुन। दक्षिणकाली नगरपालिका वडा नं ८ मा लामो समयदेखि राजनीति र सामाजिक गतिविधिमा सक्रिय रहदै आएका चर्चित अनुहार लामाले स्वतन्त्र उम्मेद्वारी दिए संगै सो वडामा गठबन्धन निकै कमजोर बन्ने अनुमान गरिएको छ।
सो वडामा अहिले २०७४ सालको निर्वाचनमा तेश्रो स्थानमा रहेको नेकपा माओवादी केन्द्रका उम्मेदवारलाई वडा अध्यक्ष बनाउने तयारी भए संगै लामाले विद्रोह गर्दै स्वतन्त्र उम्मेद्वारी दिएका हुन्।२०७४ सालको निर्वाचनमा एमालेका राजकुमार लामा ६४१ मत ल्याएर विजय भएका थिए भने नेपाली कांग्रेसका चतुर बहादुर लामाले ६३२ मत प्राप्त गरेका थिए।
