बुढानिलकण्ठ -१२ मा गठबन्धनको बैठक ,संयुक्त कार्यक्रम गर्ने

कपन अनलाइन

काठमाण्डौ ,बैशाख ३।

बुढानिलकण्ठ नगरपालिका वडा नं १२ मा पाँच दलीय गठबन्धनको बैठक बसेको छ। स्थानीय तहको निर्वाचनको मिति र उम्मेदवारी दर्ता नजिकिदै गर्दा भएको सो बैठकलाई निकै अर्थपूर्ण र महत्वपूर्ण मानिएको छ।

वडा नं १२ मा भएको सो बैठकले यहि हप्ता भित्र संयुक्त चियापान कार्यक्रमको आयोजना गर्ने निर्णय भएको जानकारी दिदै नेकपा एकीकृत समाजवादी वडा नं १२ का अध्यक्ष राम शरण सापकोटाले बैठकले निर्वाचन केन्द्रित विभिन्न विषयहरुमा छलफल गरिएको बताएका छन।

सो बैठकमा नेपाली कांग्रेसका कुमार खड्का , सुनीत चालिसे , टंक सापकोटा ,नेकपा एकीकृत समाजवादीका पुरुषोत्तम नेपाल ,रामशरण सापकोटा , नेकपा माओवादी केन्द्रका माधव भट्टराई सुस्मिता श्रेष्ठ, जनार्दन ढुंगाना लगायतको उपस्थिति रहेको थियो।