गोकर्णेश्वर नगरपालिका वडा नं ८ द्वारा संगम टोलमा सडक बत्ती हस्तान्तरण

कपन अनलाइन

काठमाडौँ, चैत्र २६ । गोकर्णेश्वर नगरपालिका वडा नं ८ द्वारा संगम टोलमा सडक बत्ती हस्तान्तरण गरिएको छ। संगम टोलमा शनिबार एक कार्यक्रमका बीच नगरपालिका प्रमुख सन्तोष चालिसेले उक्त क्षेत्रको लागि १२ वटा  सडक बत्ति प्रदान गरेका हुन। सो कार्यक्रममा गोकर्णेश्वर नगरपालिका वडा नं ८ का वडा सदस्य नन्दलाल श्रेष्ठ, संगम टोल सुधार समितिका अध्यक्ष  प्रकाश अधिकारी सहित स्थानीयको उपस्थिति रहेको थियो।

अँध्यारोमा समेत आवतजावत गर्न सहज बनाउने उद्देश्य सहित टोल भित्र रहेका बिजुलीका पोलहरुमा सडक बत्ती जडान का लागि बत्ति प्रदान गरेको  संगम टोल सुधार समितिका  अध्यक्ष प्रकाश अधिकारीले जानकारी गराए।सडक बत्ति जडान भए संगै रातमा आपतबिपत पर्दा समेत सहज रुपमा हिडडुल गर्न सकिने भएको छ । सडक बत्ती बलेसंगै सो क्षेत्रमा हुन सक्ने सम्भावित चोरिको घटनामा कमि आउने बिश्वास स्थानीयले लिएको नगर  प्रमुख चालिसेको भनाइ रहेको थियो । सडक बत्तिको  प्रभावकारिता र स्थानीय आवश्यकतालाई ध्यानमा राखी थप  स्थानमा पनि सडक बत्ति जडान गरिने उनले बताए ।