गोकर्णेश्वर नगरपालिका वडा नं. ३ को नव निर्मित वडा कार्यालय भवन उद्घाटन

कपन अनलाइन

काठमाण्डौ ,फागुन २६।

गोकर्णेश्वर नगरपालिका वडा नं. ३ को नव निर्मित वडा कार्यालय भवन उद्घाटन भएको छ । बुधबार नगरपालिकाका नगर प्रमुख सन्तोष चालिसेले वडा नं. ३ स्थित बालुवामा नव निर्मित वडा कार्यालय भवन उद्घाटन गरेका हुन् ।

सो उद्घाटन कार्यक्रममा उपप्रमुख  शान्ति नेपाल, नगर प्रवक्ता तथा वडा नं. ८ का वडा अध्यक्ष मनोज कुमार ढुंगाना, वडा नं १ का अध्यक्ष राम मानन्धर, वडा नं ५ का अध्यक्ष नारायण बहादुर सुवेदी, वडा नं ६ का अध्यक्ष रमेश अर्याल, प्रमुख सल्लाहकार दीपक रिसाल, प्रशासन योजना शाखा प्रमुख टंकनाथ घिमिरे ,आर्थिक प्रशासन शाखा प्रमुख रामजी रायमाझी लगायतको उपस्थिति रहेको थियो।

नवनिर्मित भवनको उदघाटन गर्दै प्रमुख अतिथि नगर प्रमुख चालिसेले भवनको निर्माण संगै वडाको सेवा प्रवाह र अन्य गतिविधिमा सहज हुने विस्वास व्यक्त गर्दै महत्वपूर्ण  भौतिक  पूर्वाधार निर्माणका लागि वडा कार्यालयलाई बधाई ज्ञापन गरेका थिए ।

तपाइँको प्रतिक्रिया ।