कपन सरस्वती नगरमा मोटरसाइकल दुर्घटना हुँदा ओखलढुंगाका दुईजनाको मृत्यु

कपन अनलाइन 

काठमाडौँ, फाल्गुन १८।काठमाडौं महानगरपालिका–६ सरस्वती नगरमा मोटरसाइकल दुर्घटना हुँदा ओखलढुंगाका दुईजना  मृत्यु भएको छ। बा६४प १३९६ नं को मोटरसाइकल दुर्घटना हुँदा उनिहरुको मत्यु भएको हो।दुर्घटनामा मोटरसाइकल चालक आरुबारी बस्ने ओखलढुङ्गा घर भएका ३० वर्षीय शिवराज कार्की र पैदलयात्री गोपीकृष्ण बस्ने ओखलढुंगाको मोलुङ गाउँपालिका वडा नं. ३ हर्कपुरका दुर्गाबहादुर कार्कीको मृत्यु भएको प्रहरी प्रधान कार्यालयले जनाएको छ।गएराति भएको उक्त दुर्घटनामा गम्भीर घाइते भएका शिवराजको हेल्पिङ ह्याण्ड अस्पताल चाबहिलमा र दुर्गा बहादुरको ओम अस्पतालमा उपचारको क्रममा मृत्यु भएको प्रहरीले जनाएको छ।