धार्मिक तीर्थाटनमा निस्किए बुढानिलकण्ठ-१२ का दुई सय भन्दा बढी जेष्ठ नागरिक

कपन अनलाइन
काठमाडौं, फागुन १४।

बुढानिलकण्ठ नगरपालिका वडा नं १२ ले वडाका जेष्ठ नागरिकहरुका लागि धार्मिक भ्रमणको आयोजना गरेको छ। वडामा रहेका जेष्ठ नागरिकहरुको धार्मिक आस्थालाई सम्मान गर्दै सो तीर्थाटन आयोजना गरिएको हो।

वडा नं १२ का दुई सय भन्दा बढी जेष्ठ नागरिकहरुको सहभागिता रहेको सो धार्मिक भ्रमण अन्तर्गत सिन्धुपाल्चोक जिल्लाको नामकरण भएको पाल्चोक भगवती मन्दिर ,फट्केश्वर र काठमाण्डौ पशुपति सम्मको हुने वडा अध्यक्ष शम्भु भट्टराईले जानकारी दिएका छन।

सनिवार बिहान वडा नं १२ को कार्यालय नवदुर्गा मन्दिरबाट शुरु भएको सो भ्रमणमा वडा सदस्यहरु सहित विभिन्न क्षेत्रका अग्रज जेष्ठ नागरिकहरुको सक्रिय र उल्लेखनीय सहभागिता रहेको कार्यपालिका सदस्य शान्ता ढकालले जानकारी दिएकी छन।