प्रहरी र प्रदर्शनकारीबीच झडपमा पत्रकार सरोज बस्नेत घाइते

कपन अनलाइन

काठमाण्डौ,फागुन ४ ।

काठमाडौंको नयाँबानेश्वर क्षेत्रमा एमसीसीको विरोधमा प्रदर्शनमा उत्रिएका र प्रहरीबीच झडप भएको छ । झ प्रदर्शनकारीलाई रोक्ने क्रममा प्रहरीले पानीको फोहोरासमेत प्रयोग गरेको छ ।

यसैक्रममा  अमेरिकी सहयोग परियोजना (एमसीसी) लाई लिएर बानेश्वर क्षेत्रमा भएको झडपमा फोटो पत्रकार सरोज बस्नेत घाइते भएका छन्।

एमसीसीको विरोध गर्दै नयाँ बानेश्वर आउन लागेको प्रदर्शनकारीको समुहलाई प्रहरीले बिजुलीबजारमा रोकेपछी झडप भएको थियो । सो क्रममा आन्दोलनकारीले प्रहरीलाई हानेको ढुंगा फोटो पत्रकार बस्नेतको टाउकोमा लागेको थियो ।

तस्विर संकलनमा खटिएका  फोटोपत्रकार बस्नेतको टाउकोमा चोट लागेको छ । प्रदर्शनकारी र प्रहरीबीच झडप हुँदा केही प्रदर्शनकारीसमेत घाइते भएका छन् ।