गोकर्णेश्वर युवा जागरण क्लब (GFG) द्वारा स्व.गोपाल श्रेष्ठको स्मृतिमा आयोजित ब्याडमिन्टन प्रतियोगिताको भोलि सेमिफाइनल खेल हुने

कपन अनलाइन

काठमाडौँ, फाल्गुन ४। गोकर्णेश्वर नगरपालिका वडा नं ४ मा रहेको गोकर्णेश्वर युवा जागरण क्लब (GFG)ले स्वर्गीय गोपाल श्रेष्ठको स्मृतिमा  आयोजित  गोकर्णेश्वर नगरपालिका ४ नं वडा स्तरीय ब्याडमिन्टन प्रतियोगिताको  भोलि बिहिबार सेमिफाइनलका खेलहरु सम्पन्न हुने भएको छ । भोलि बिहान ६ :३० बजे  हरि शरण श्रेष्ठ र बिक्रम श्रेष्ठको जोडी संग राजन श्रेष्ठ र रत्न श्रेष्ठको जोडी बीच सेमिफाइनल खेल हुनेछ भने भोलि नै अर्को सेमिफाइनल खेल धर्म शरण श्रेष्ठ र जयराम आचार्य को जोडी संग उमेश ढुंगाना र राजु कर्माचार्यको जोडी बीच हुने गोकर्णेश्वर युवा जागरण क्लब (GFG)का अध्यक्ष विकेश श्रेष्ठले जानकारी गराएका छन। त्यसै गरि फाल्गुन ६ गते  फाइनल खेल र त्रितिय स्थानको लागि खेल सहित  समापन तथा  पुरस्कार वितरण कार्यक्रम हुने समेत जानकारी गराए।

नेपाल तरुण दल गोकर्णेश्वर नगर समिति, काठमाडौंका अध्यक्ष  तथा  गोकर्णेश्वर युवा जागरण क्लबका सल्लाहकार समेत रहेका स्व. गोपाल श्रेष्ठको हृदयाघातका कारण निधन भएको थियो। उनकै सम्झनामा  खेलको माध्यमबाट आपसी भाइचारा मित्रता र सामाजिक सदभाब कायम गर्दै वडा बाट प्रतिभावान खलाडी उत्पादन गर्ने उदेश्यका साथ उत्तरबाहिनीस्थित ब्याडमिन्टन कोर्टमा संचालित उक्त प्रतियोगितामा कुल १६ टिमको सहभागिता रहेको छ।

  प्रतियोगितामा  प्रथम दितीय र तृतीय  हुने खेलाडीले नगद पुरस्कार सहित ट्रफी मेडल र  प्रमाण पत्र प्राप्त गर्ने गोकर्णेश्वर युवा जागरण क्लब (GFG)का अध्यक्ष विकेश श्रेष्ठले कपन अनलाइनलाइ जानकारी गराए  ।