कागेश्वरी १ सुवेदी गाउमा भिससेनटार शान्ति पार्क उद्घाटन तथा सरस्वतीको मुर्ति अनावरण

कपन अनलाइन

काठमाडौँ, माघ २५ । कागेश्वरी मनोहरा नगरपालिका वडा नं १ सुवेदी गाउमा भिससेनटा शान्ति पार्क उद्घाटन गरिएको छ ।आइतबार  सरस्वती पुजाको अवसर पारेर नगरपालिका र उपभोक्ता समितिको ५०/ ५० लागत सहभागितामा निर्मित भिमसेनटार शान्ती पार्कको उद्घाटन गरिनुको साथै पार्क परिसर भित्र रहेको सरस्वती माताको मुर्ति कार्यक्रमका प्रमुख अतिथि कागेश्वरी मनोहरा नगरपालिका वडा नं १ का वडा अध्यक्ष मकुन्द प्रसाद गजुरेलले अनावरण  गरेका थिए ।   करिब ५ आना जग्गामा निर्मित सो पार्कमा  आकर्षक पानीको फोहोरा  समेत रहेको छ  ।

कार्यक्रममा वडा सदस्यहरु पार्क निर्माण उपभोक्ता समितिका अध्यक्ष हरिहर खड्का,  सचिब अमिरराना मगर  कोषाध्यक्ष गीता खड्का सहित सदस्यहरु र स्थानीयको उपस्थिति रहेको थियो ।सरस्वतीको मुर्ति अनावरण गर्दै वडा अध्यक्ष मकुन्द प्रसाद गजुरेलले वडामा साझा ढंगले विकास निर्माणका काम अघि बढेको बताए। उनले स्थानीयको सहयोगकै कारण त्यो सम्भब भएको बताए। उनले दृढ इच्छा शक्ति र स्थानीयको साथ भएमा धेरै काम गर्न सकिने  भन्दै  पार्कले आन्तरिक पर्यटन प्रवर्द्धनमा टेवा पुग्ने बताएका थिए ।  कार्यक्रममा बोल्ने बक्ताहरुले पार्कले सो क्षेत्रको सौन्दर्यसमेत बढाएको बताउदै पार्क संरक्षणमा सबैको साथ आवशयक रहेको बताएका थिए।