शारदा एकेडेमीले कपनका बिभिन्न ठाउँमा ६० वटा डस्टबिन राख्दै
कपन अनलाइन\चैत्र २३, २०७१
बुढानीलकण्ठ नगरपालिकाको कपन क्षेत्रमा गुणस्तरीय शिक्षा प्रदान गरिरहेको शारदा एकेडेमीले कपन क्षेत्रमा ६० वटा फोहर जम्मा गर्ने डस्टबिन बाँड्ने भएको छ । सामाजिक क्षेत्रका बिभिन्न काम गर्दै आएको शारदा एकेडेमीले करिब १ लाख रुपैया पर्ने डस्टविन नगरको १२, १३ र १४ वडाका बिभिन्न ठाउँमा राख्न तयार गरिएको छ । चैत्र २८ गते एक कार्यक्रम गरी नगरपालिका प्रतिनिधि तथा यस क्षेत्रमा कृयाशिल संघसंस्था तथा सामाजिक क्षेत्रका व्यक्तिहरुको उपस्थितिमा डस्टविन राख्ने कार्यक्रम रहेको विद्यालय प्रशासनले बताएको छ । करिब एकहजार पाँचसय पर्ने ६० वटा डस्टविन बिजुलीको पोलमा ब्यवस्थित रुपमा राखिनेछ ।
वातावरणीयरुपमा नगपालिकाको सबैभन्दा कमजोर क्षेत्र मानिने वडा नं. १२, १३ र १४ मा सामाजिक क्षेत्रबाट यति ठूलो स्वरुपमा वातवरणीय काम हुन लागेको पहिलोपटक हो । यदाकदा साविक गाविसबाट बजेट लिएर वातावरणका केही काम गरिएको देखिए पनि आफ्नै लगानीमा काम हुन लागेको यो संभवतः पहिलोपटक हो । कपन क्षेत्रको सरसफाइमा यसअघि पनि आफ्नो संलग्नता देखाइसकेको शारदा एकेडेमी बुढानीलकण्ठ नगरपालिका वडा नं. १३ कपनटारमा रहेको छ ।
