लागूऔषध सेवन गराई जबरजस्ती करणी गरेको अभियोगमा बुढानिलकण्ठ-५ बस्ने भण्डारी पक्राउ

कपन अनलाइन

काठमाडौं ,पौष २० ।

२० वर्षीया युवतीलाई जबरजस्ती करणी गरेको अभियोगमा  एक जना पक्राउ परेका छन् । बुढानिलकण्ठ नगरपालिका-५ बिष्णुमती डेरा गरी बस्ने मोरङ विराटचोक घर भएका २८ वर्षीय बिनोद भण्डारीलाई सोमबार साँझ प्रहरीले पक्राउ गरेको हो ।

बुढानीलकण्ठ नगरपालिका-२ बाडेपाखामा रहेको  खाली चौरमा भण्डारीले लागूऔषध सेवन गराई बिहीबार साँझ ति युवतीलाई  पटक-पटक जबरजस्ती करणी गरेका थिए।

घटनाको सुचना  प्राप्त हुनासाथ सक्रिय बनेको   प्रहरी प्रभाग बुढानिलकण्ठबाट खटिएको प्रहरीटोलीले भण्डारीलाई  उनलाई पक्राउ गरेको थियो। प्रहरीले घटनाको थप अनुसन्धान गरिरहेको छ।