गाउँगाउँमा बलियो कांग्रेस खोज्दै केन्द्रीय सदस्य रामहरी खतिवडा

कपन अनलाइन

काठमाण्डौ ,पौष १८।

नेपाली कांग्रेसका केन्द्रीय सदस्य रामहरि खतिवडाले गाउँमा कांग्रेस बलियो हुदा मात्रै चुनावमा जित हुने बताएका छन् ।

शनिबार ओखलढुंगाको मानेभञ्ज्याङ गाउँपालिका–७ मा आयोजित कार्यक्रमलाई सम्बोधन गर्दै खतिवडाले गाउँका कार्यकर्ताले नै कांग्रेसलाई बचाएर राखेको धारणा राखेका थिए ।

कांग्रेसको जीवन गाउँका कार्यकर्ताले बचाएर राखेको र उनीहरुकै कारण कांग्रेस बाँचेको भन्दै  खतिवडाले ओखलढुंगाको विकासमा आफूले सधैँ अग्रस्थानमा रहेर काम गर्ने प्रतिवद्धता पनि जनाएका थिए  ।

सो अवसरमा  उनले भने, ‘ओखलढुंगाको विकासमा तेरो वा मेरो भनेर भेदभाव नगरेर काम गर्ने प्रतिवद्धता व्यक्त गर्न चाहन्छु । कुनै विकासको कार्यक्रम चाहिएको छ भने मलाई भन्नु होला । सक्ने सहयोग गर्नेछु ।’सो कार्यक्रममा  सञ्जय नेपालीको संयोजकमा १५ सदस्यीय हर्कपुर टोल समिति गठन समेत गरिएको थियो  ।