अल नेपाल यूवा क्लब गोकर्णेश्वर ४ ले खुल्ला नकआउट पुरुष भलिबल प्रतियोगिता आयोजना गर्दै
कपन अनलाइन
काठमाडौं, पौष १३ ।अल नेपाल यूवा क्लब गोकर्णेश्वर ४ ले खुल्ला नकआउट पुरुष भलिबल प्रतियोगिता आयोजना गर्ने भएको छ ।माघ १७ गते देखी १९ गते सम्म सञ्चालन हुने उक्त प्रतियोगिता खेल गोकर्णेश्वर वडा नं. ९ आरुवारी, गैरीगाउँमा हुने आयोजकले जानकारी गराएको छ ।प्रतियोगितामा भाग लिन माघ १७ गते बिहान १० बजे सम्ममा टिम दर्ता गर्नु पर्ने जसको लागि दर्ता शुल्क रु ६ हजार कायम गरिएको आयोजकले जानकारी गराएको छ ।अन्तराष्ट्रिय भलिबल एफआईभीबी को नियम अनुसार टी.टी. सिस्टममा खेलाईने उक्त प्रतियोगितामा कोच सहित एक टिममा १० जना सहभागी हुनु पर्नेछ ।
यसैगरी प्रतियोगिताको खेलाडीले सम्बन्धित प्रदेश जिल्ला नगर र क्लबको आफ्नो परिचय खुल्ने कागज र नागरिकताको फोटोकपी अनिवार्य लिएर उपस्थित हुनु पर्ने तथा खेलाडीले जर्सी अनिवार्य लगाउनु पर्ने लगायतका नियमहरु रहेका छन् ।प्रतियोगिताको विजयी टिमले प्रथम पुरस्कार नगद १ लाख सहित कप , मेडल र प्रमाण पत्र पाउने छन् । यसैगरी द्वितिय हुनेले नगद रु.५० हजार सहित कप, मेडल र प्रमाण पत्र पाउने छन् भनें तृतिय हुनेले नगद रु २५ हजार सहित कप, मेडल र प्रमाण पत्र पाउने छन् । प्रतियोगितामा अनुशासित खेलाडी, उत्कष्ट स्पाईकर, उत्कृष्ट ब्लकर, उत्कृष्ट डिफेन्डर, उत्कृष्ट लिफ्टरले ट्रफि, मेडल र प्रमाण पत्र पाउने छन् । क्वाटर फाइनलदेखि म्यान अफ दि म्याच ट्रफिको समेत व्यवस्था रहेको छ ।थप जानकारीको लागि ९८३६२६९९१९ टंक भुजेल ९८६६८८९६६५ दार्ची शेर्पा, ९८५१२४८३४८ धर्मराज राइलाइ सम्पर्क गर्न सकिने जानकारी गराइएको छ ।
