गोकर्णेश्वर ४ मा पूर्वी क्षेत्रीय काठमाडौं उपत्यका ब्यापी जुनियर सितेरियो कराते च्याम्पियन सम्पन्न

कपन अनलाइन

काठमाडौं पौष ११। गोकर्णेश्वर नगरपालिका वडा नं ४ मा पूर्वी क्षेत्रीय काठमाडौं उपत्यका ब्यापी जुनियर सितेरियो कराते च्याम्पियन २०७८ सम्पन्न भएको छ।गोकर्णे शितोरियो डोजोको आयोजनामा पौष  ९ र १० गते गरि दुइ दिन सम्म गोकर्णेश्वर माध्यमिक बिध्यालयमा   चलेको उक्त प्रतियोगितामामा ३० वटा डोजोका करिब २५० जना खेलाडीहरुले सहभागिता जनाएका थिए । गोकर्णेश्वर नगरपालिका वडा नं ४ का वडा अध्यक्ष श्रीकुमार श्रेष्ठले उद्घाटन गरेको प्रतियोगिताको समापन सत्रमा प्रमुख अतिथिको रुपमा गोकर्णेश्वर नगरपालिकाकि उप प्रमुख शान्ती नेपाल रहेकी थिइन ।

प्रतियोगितामा शंखडोल कराते एकेडमी ५ वटा स्वर्ण पदक ५ वटा रजत र ९ वटा कास्य  प्रथम हुदै टिम च्याम्पियन बन्न सफल भएको छ भने ५ स्वर्ण, २ रजत  र १ कास्य सहित बाल बाटिका दोस्रो हुन सफल भयो।

त्यसै गरि २ वटा स्वर्ण ३ वटा रजत र ७ वटा कास्य सहित गोठाटार तृतीय भएको आयोजक संस्थाका  प्रशिक्षक सन्तोष श्रेष्ठले कपन अनलाइनलाइ जानकारी गराए । कार्यक्रममा बरिष्ठ प्रशिक्षक राम लामा, गोकर्णेश्वर युवा तथा खेलकुद विकास समितिका संयोजक संजय लामा , प्रशिक्षक अरुण कार्की,सहित  खेलाडी प्रशिक्षक र खेल प्रेमी दर्शकहरुको उपस्थिति रहेको   थियो।