गोकर्णेश्वर ७ दक्षिणढोका शान्ति बाटिकामा एकल कविता वाचन तथा व्यङ्ग्य प्रस्तुत

११ पुष २०७८, आईतवार

कपन अनलाइन

काठमाडौं पौष ११। गोकर्णेश्वर नगरपालिका वडा नं ७ दक्षिणढोका शान्ति बाटिकामा एकल कविता वाचन तथा व्यङ्ग्य प्रस्तुत गरिएको छ । पौष १० गते शनिबार भैरब स्मृति पुस्तकालय द्वारा आयोजित उक्त कार्यक्रममा साहित्यकार, कलाकार तथा सामाजिक अभियन्ता श्रीकृष्ण सिम्खडा द्वारा एकल कविता वाचन गर्नुको साथै बिभिन्न नेताहरुको क्यारिकेचर समेत गरेका थिए भने उक्त कार्यक्रममा हास्य व्यङ्ग्य कलाकार शैलेन्द्र सिम्खडाले सामाजिक राजनीतिक चोटिला व्यङ्ग्यहरु प्रस्तुत गरेका थिए ।

पुस्तकालयका अध्यक्ष बलराम अधिकारीको अध्यक्षतामा भएको उक्त कार्यक्रममा नेपाल सरकार का सहसचिव प्रकाश दाहाल, गोकर्णेश्वर नगरपालिका वडा नं ७ का वडा अध्यक्ष केशब गुरुङ , पत्रकार निर्मल अर्याल , लगायत आयोजक संस्थाका पदाधिकारी सहित स्थानीयको उपस्थिति रहेको थियो ।