चन्द्रागिरि ८ को योजना सम्झौता गर्ने बारे सार्वजनिक सुचना
कपन अनलाइन
काठमाडौँ, पौष ९ । चन्द्रागिरि नगरपालिका वडा नं ८ ले योजना सम्झौता गर्ने बारे सार्वजनिक सुचना जारी गरेको छ। वडा अध्यक्ष सन्तोष खड्काले जारी गरेको उक्त सुचनामा आर्थिक बर्ष २०७८/७९ अन्तर्गत चन्द्रागिरी नगरपालिका बाट वडा नं ८ मा संचालन हुने गरि रकम बिनियोजन भएका योजनाहरुको कार्यान्वयनका लागि हाल सम्म योजना सम्झौता नभएका योजना सम्झौताको लागि मिति २०७८ साल पौष मसान्त सम्म योजना सम्झौता गरिसक्ने गरि सम्पूर्ण वडा बासी टोल विकास समिति तथा उपभोक्ता समितिहरुलाइ वडा कार्यालयमा सम्पर्क गर्न सार्वजनिक सुचना मार्फत अनुरोध गरिएको उल्लेख गरिएको छ।
साथै सो अवधि भित्र योजना सम्झौताका लागि सम्पर्कमा नआएको पाइएमा सो योजना कार्यान्वयनको विषयमा वडा समितिको निर्णय अनुसार भई जाने व्यहोरा समेत जानकारी गराइएको छ।नोट: गत आर्थिक बर्षमा विनियोजित र यस आर्थिक बर्षमा क्रमागत भई आएका योजना सम्बन्धमा समेत यसै सुचना अनुसार हुने उल्लेख गरिएको छ ।
