शंखरापुरको ऐतिहासिक पुखुलाछी पोखरी पुनःनिर्माण अन्तिम चरणमा, नगर प्रमुख द्वारा अनुगमन

कपन अनलाइन

काठमाडौं, मंगसिर २८। शंखरापुर नगरपालिका वडा नं ७ मा रहेको ऐतिहासिक पुखुलाछी पोखरी पुनःनिर्माणको काम अन्तिम चरणमा पुगेको छ । २०७२ साल बैशाख १२ गते गएको माहाभुकम्पले क्षति  पुर्याएको  पोखरीको पुनःनिर्माणको काम तिब्र गतिमा भइरहेको छ । उक्त पोखरी पुन: निर्माण कामको नगर प्रमुख सुवर्ण श्रेष्ठले अनुगमन गरेका छन। अनुगमनमा वडा सदस्य प्रविण श्रेष्ठ सहित स्थानीयको सहभागिता रहेको थियो ।

शंखरापुर नगरपालिकाले १४ लाख र वडाबाट १० लाख गरी जम्मा २४ लाखको कुल आर्थिक सहयोगमा उपभोक्ता समिति मार्फत पोखरीको पुनःनिर्माण कार्य भइरहेको नगर प्रमुख सुवर्ण श्रेष्ठले बताएका छन। पोखरीको पुनःनिर्माण सम्पन्न भइसकेपछि पानी भर्ने र आन्तरिक पर्यटकका लागि खुल्ला गर्ने योजना नगरपालिकाको रहेको नगर प्रमुख श्रेष्ठले जानकारी दिएका छन।