लायन्स क्लब अफ काठमाडौं जर्नी द्वारा आयोजित रक्तदान समपन्न

कपन अनलाइन

काठमाडौं, मंगसिर २७। गोकर्णेश्वरको अत्तरखेल बिग मार्ट प्रांगणमा  रक्तदान कार्यक्रम सम्पन्न भएको छ । सुनौलो पाईला तथा लायन्स क्लब अफ काठमाडौं जर्नीको आयोजना तथा ब्लिंक फिटनेश, सिद्धिदात्री महिला बचत तथा ऋण सहकारी संस्था को  सहकार्यमा शनिबार  बिहान ८ :३० बजे देखी अपरान्ह १२ :३० बजे सम्म चलेको उक्त  रक्तदान कार्यक्रममा ४१ पिन्ट रगत संकलन भएको आयोजकले जानकारी गराएको छ  ।

कार्यक्रममा  जी ए टि एरिया लिडर  लायन खगेन्द्र सिटौला,   पुर्व डिस्ट्रिक गभर्नर लायन अन्नत प्रसाद   भेटुवाल, पुर्व डिस्ट्रिक गभर्नर लायन टंक बहादुर श्रेष्ठ, पुर्व डिस्ट्रिक गभर्नर लायन कुमार राज सुवेदी ,लायन विष्णुभाई श्रेष्ठ, लायन धर्मशरण श्रेष्ठ , वडा अध्यक्ष मनोज कुमार ढुंगाना  लगायत लायन लिडरहरुको साथै आयोजक संस्थाको पदाधिकारीहरुको उपस्थिति रहेको थियो  ।