गिरिजा प्रसाद कोइरालाले प्रयोग गरेका सामग्रीहरु बी.पी. संग्रहालयलाई हस्तान्तरण
कपन अनलाइन
काठमाडौं,कात्तिक १४। पूर्व उपप्रधानमन्त्री एवं नेपाली कॉंग्रेसकी नेत्री सुजाता कोईरालाले आफ्ना पिता तथा नेपालको लोकतान्त्रिक आन्दोलनका शिखर पुरुष स्वर्गीय गिरिजाप्रसाद कोईरालाले प्रयोग गरेका सामानहरु बी.पी. संग्रहालय सुन्दरीललाई हस्तान्तरण गरेकी छिन् ।गोकर्णेश्वर नगरपालिका वडा नं १ स्थित बी.पी. संग्रहालय सुन्दरीलका अध्यक्ष परशुराम पोखरेललाइ पूर्व उपप्रधानमन्त्री सुजाता कोईरालाले गिरीजा बावुको पार्थिब शरिरको दाह संस्कारका बखत निकालिएको अस्तु एवं उनले लगाएका कपडाहरू कोट, दौरा, सुरुवाल, अक्सिजन, मास्क साथै प्रयोग गरेका कप, प्लेट र चम्चा लगायतका सामग्रीहरु संग्रहालयलाई मंगलबार एक कार्यक्रम बिच हस्तान्तरण गरेकी हुन ।
ति सामग्रीहरु संग्रहालयमा सुरक्षित रुपमा प्रदर्शनमा राखिने अध्यक्ष परशुराम पोखरेलले जानकारी गराएका छन । साथै यी दुबै इतिहॉंस पुरूष बी.पी. कोइराला एवं गिरीजी प्रसाद कोइराला सहोदर दाई,भाई नेपालको राजनितीक फाँटको उच्चतम स्थानमा रहेको बताउदै बि. पि. संग्राहलयमा नै नेपाली काँग्रेसका धरोहरका सामाग्री राख्न पाउँदा खुसी व्यक्त गरेका छन् ।
