बुढानिलकण्ठ -१२ वडा स्तरीय ब्याडमिन्टन प्रतियोगिता शुरु

कपन अनलाइन

काठमाण्डौ ,कार्तिक १३।

बुढानिलकण्ठ -१२ वडा स्तरीय ब्याडमिन्टन प्रतियोगिता शुरु भएको छ। नागेश्वरी युवा क्लवको आयोजना र बुढानिलकण्ठ नगरपालिका वडा नं १२ को सहयोगमा हुने सो प्रतियोगितामा ४० भन्दा बढी खेलाडीहरुको सहभागिता रहेको छ।

नागेश्वरी युवा क्लवका अध्यक्ष प्रजापति दाहालको अध्यक्षतामा भएको सो प्रतियोगिता उद्घाटन शत्रको प्रमुख अतिथि वडा नं १२ का अध्यक्ष शम्भु प्रसाद भट्टराई रहेका थिए।

वडा नं १२ का सदस्य डिल्ली प्रसाद खतिवडा , ब्याडमिन्टन खेलका रास्ट्रिय प्रशिक्षक किरण थापा,कपन प्रहरी प्रभागका प्रमुख निरीक्षक भगवती तिमल्सिना सहित वडाका ८ वटा टोल सुधार समितिका अध्यक्षहरुको उपस्थिति रहेको सो कार्यक्रमको संचालन रामराज खतिवडाले गरेका थिए ।