सुन्ताखान युवा क्लब गोकर्णेश्वर -३ ले देउसी भैलो तथा सांस्कृतिक कार्यक्रम गर्ने
कपन अनलाइन
काठमाडौं, कात्तिक १२। गोकर्णेश्वर नगरपालिका वडा नं ३ मा रहेको सुन्ताखान युवा क्लब देउसी भैलो तथा सांस्कृतिक कार्यक्रम गर्ने भएको छ । २०७८ साल कार्तिक १८ गते बिहिबार दिउसो ३ देखि साँझ ७ बजे सम्म गोकर्णेश्वर ३ घट्टा बसपार्क सुन्ताखानमा नेपाली संस्कार र संस्कृति बचाउनको लागि परम्परागत रुपमा खेलिदै आएको देउसी भैलो खेल्न लागिएको सुन्ताखान युवा क्लबका अध्यक्ष हरिबोल बिष्टले कपन अनलाइनलाइ जानकारी गराए ।
नेपालीहरुको चाडपर्वलाई सामाजिक सदभाव र भाइचारा बढाउने अवसरको रुपमा देउसी भैलो खेलेर एक आपसमा शुभकामना आदानप्रदानका साथै सामाजिक सदभाव कायम गर्न टेवा पुग्नुको साथै देउसी भैलो बाट संकलित रकम सामाजिक क्षेत्रमा लगाउने पबित्र उदेश्य सहित आयोजना गरिएको उक्त कार्यक्रममा सहभागी हुन पनि उनले अनुरोध गरेका छन कार्यक्रममा चर्चित हास्य कलाकार तथा गायक राजन चौलागाई (खैराते) चर्चित लोक गायिका दुर्गा बिडारी त्यसैगरी चर्चित गायक तारेभिरका शान सुरेश लामा लगायतकको बेजोड प्रस्तुति रहने उक्त कार्यक्रममा इच्छुक दाजुभाई, दिदीबहिनी तथा स्थानीय कलाकारहरुलाई आफ्नो कला प्रदर्शन गर्न तथा सहभागिता जनाईदिन पनि अनुरोध गरेका छन ।
