उप मेयर कप राष्ट्रिय महिला लिग फुटबल प्रतियोगितामा सहभागी खेलाडीहरुलाई गोकर्णेश्वर नगरपालिका द्वारा खेल सामग्री प्रदान

कपन अनलाइन

काठमाडौं कात्तिक ११। अखिल नेपाल फुटबल संघ द्वारा  आयोजित उप मेयर कप राष्ट्रिय महिला  लिग फुटबल प्रतियोगितामा गोकर्णेश्वर नगरपालिका बाट सहभागी हुने खेलाडीहरुलाई खेलकुद सामग्री हस्तान्तरण गरिएको छ मंगलबार नगरपालिकाको सभाहलमा गोकर्णेश्वर नगरपालिका शिक्षा, युवा तथा खेलकुद शाखा द्वारा आयोजित पत्रकार सम्मलेनमा उक्त सामग्री नगर प्रमुख सन्तोष चालिसे, उप प्रमुख शान्ती नेपाल, युवा तथा खेलकुद  समिति संयोजक संजय लामा प्रमुख प्रशासकीय अधिकृत राम प्रसाद आचार्य  शिक्षा शाखा प्रमुख विजय प्रसाद आचार्य लगायतले खेल सामग्री हस्तान्तरण गरेका हुन्।

कार्यक्रममा उक्त प्रतियोगिताको लागि नगरपालिकाले श्रावण २२ गते देखि खेलाडी छनौट गरि प्रशिक्षण गराई रहेको छ।  टोलीले कार्तिक १२ गते धनगडी नगरपालिका संग र कार्तिक १४ गते धनकुटा नगरपालिका संग खेल खेल्दै छन । सामाग्री हस्तान्तरण गर्दै नगर प्रमुख सन्तोष चालिसेले खेलाडीहरुलाई नगरपालिकाको नाम राख्ने गरि उत्कृष्ट प्रदर्शन गर्दै उच्च मनोबलका साथ प्रतियोगितामा सहभागी हुँदै विजयी हासिल गरेर र्फकन शुभकामना दिएका थिए ।

कार्यक्रमलाइ सम्बोधन गर्दै उप प्रमुख शान्ती नेपालले  नगरपालिकाले खेलकुद मात्र नभई महिलाहरुलाई अगाडी बढाउन धेरै कार्यक्रम गर्दै आएको जानकारी गराएकी थिइन नगरपालिकाले  विभिन्न खेलमार्फत खेलाडी र खेलको विकास गर्दै आई रहेको बताउँदै खेलाडीहरुलाई विजयी भएर आउन शुभकामना दिएकी  थिइन।कार्यक्रममा प्रमुख प्रशासकीय अधिकृत  राम प्रसाद आचार्य शिक्षा शाखा प्रमुख विजय प्रसाद आचार्य, युवा तथा खेलकुद  समितिका संयोजक संजय लामा लगायतले शुभकामना मन्तब्य राखेका थिए ।