नेकपा एमाले काठमाडौं महानगर कमिटीको अध्यक्षमा निर्मल देउला

कपन अनलाइन

काठमाडौं कात्तिक १०। नेकपा एमाले काठमाडौं महानगर कमिटीको प्रथम अधिवेशनबाट युवा नेता निर्मल देउला सर्वसम्मत रुपमा अध्यक्षमा निर्वाचित भएका छन् ।निर्वाचित भएसँगै प्रतिवद्धता सम्बोधनमा अध्यक्ष देउलाले ‘देशकै पहिलो महानगरको रुपमा रहेको काठमाडौं महानगर भित्रका ३२ वडामध्ये १८ वटामा निर्वाचित हाल नेकपा एमालेले विजयी गरेकोमा आगामी निर्वाचनमा दुई तिहाई जनमत ल्याई पार्टी उम्मेद्वारालाई स्थानीय निर्वाचन र प्रदेश तथा संघीय निर्वाचनमा विजयी गराउने प्रतिबद्धता जनाएका छन   ।

मंगलबार भएको नगर अधिबेसन बाट  नेकपा एमाले काठमाडौं महानगरको उपाध्यक्षमा पन्नाकाजी महर्जन निर्वाचित भएका छन् भने सचिबमा गणेश श्रेष्ठ निर्वाचित भएका छन ।सिर्जना भेटुवाल, देवेन्द्र खड्गीलाइ उप सचिवमा निर्वाचित गरेको सो अधिवेसनले  १०१ सदस्यीय नगर कमिटी सर्वसम्मत रुपमा चयन गरेको छ ।कमिटीको कार्यकाल नेकपा एमालेको संशोधित विधान अनुसार ३ वर्ष रहेको छ ।बिहान ११ बजेदेखि सुरु भएको अधिवेशन कार्यक्रमलाई खुल्ला र बन्द सत्र गरी २ भागमा बाडिएको थियो।