योजना सम्झौताका लागि बुढानिलकण्ठ नगरपालिकाको घुम्ती सेवा शुरु

कपन अनलाइन

काठमाण्डौ ,असोज ६।

योजना सम्झौताका लागि बुढानिलकण्ठ नगरपालिकाको घुम्ती सेवा शुरु भएको छ। बुढानिलकण्ठ नगरपालिका वडा नं ५ को कार्यालयमा पुगेको नगरपालिकाको योजना शाखाको टोलीले आज वडा नं १ ,३ र ५ का विभिन्न योजनाहरुको सम्झौता गरेको छ।

असोज ६ र ७ गते दुई दिन हुने घुम्ती सेवामा ३० वटा योजना सम्झौता गर्ने लक्ष्य राखेको सो टोलीले आज असोज ६  गते वडा नं १ का ५ वटा ,वडा नं ३ का १ वटा र वडा नं ५ का ५ वटा योजनाहरुको सम्झौता भएको योजना शाखाका प्रमुख महेस प्रसाद पाठकले जानकारी दिएका छन।

त्यस्तै भोलि बाकीं योजनाहरुको सम्झौता गर्ने लक्ष्य राखेको शाखाले अन्य वडाहरुमा पनि सो घुम्ती सेवा संचालन गर्ने जानकारी दिएको छ ।