संविधान दिवसको अवसरमा चन्द्रागिरी १ ले  दिप प्रज्वलन सहित शुभकामना आदानप्रदान गर्यो

कपन अनलाइन

काठमाडौं असोज ४।  असोज तिन अर्थात देशले संविधान पाएको दिन । देशले संविधान पाएको ७ वर्ष पूरा भएको छ । संविधान दिवसको अवसरमा देशभरी बिभिन्न कार्यक्रम गरी मनाइएको  छ ।यस्तै सातौ संविधान दिवसको अवसरमा चन्द्रागिरी नगरपालिका वडा नं  १ ले   दिप प्रज्वलन गर्नुको साथै शुभकामना आदानप्रदान गरेर मनाएको छ।

आइतबार  चन्द्रागिरी नगरपालिका वडा नं १ को कार्यालय दहचोकमा वडा अध्यक्ष राजेन्द्र केसीको अध्यक्षतामा  भएको सो कार्यक्रममा बिभिन्न राजनीतिक दलका  प्रतिनिधि  जनप्रतिनिधिहरु, बिभिन्न संघ संस्थाका प्रतिनिधिको साथै स्थानीयको उपस्थितिमा   दिप प्रज्वलन गर्नुको साथै शुभकामना आदानप्रदान गरिएको थियो।