राजनीतिकर्मी बिनोद चालिसेको साहित्यिक तथा सांगीतिक अवतार : कविता संग्रह र गीति एल्वम् लोकार्पण

कपन अनलाइन

काठमाण्डौ ,भाद्र १५।

नेपाली कांग्रेस काठमाण्डौ क्षेत्र नं ४ का सचिव बिनोद चालिसे साहित्यिक र सांगीतिक अवतारमा देखिएका छन।  नेपाली कांग्रेस काठमाण्डौ क्षेत्र नं ४ (२ ) का सभापति रहेका चालिसेको रचनामा कविता संग्रह “तिम्राे आँखाकाे आकाश” र गीति एल्वम् “मनकाे धून” कृष्णजन्माष्टमीकाे दिन लाेकर्पण गरिएका  छन ।

नेपाली कांग्रेसका युवा नेता  गगन थापा, साहित्यिक व्यक्तित्वहरू प्रयागराज वाशिष्ठ, पुरूषाेत्तम दहाल, श्रवण मुकारूङ, संगीतकार सुरेश अधिकारी, प्रतिनिधि सभा सदस्य  दिव्यमणि राजभण्डारी, प्रदेस सभा सदस्यहरु न्हुच्छेनारायण श्रेष्ठ, राधा घले, भिमसेन खत्री लगायतको उपस्थिति सहित काठमाण्डौ महानगरपालिका वडा नं ७ मा रहेको आरवि हाेम पार्टी प्यालेसमा भएको कार्यक्रम कवि, तथा गीतकार विसुकुमार के.सीले संचालन गरेका थिए।

प्रमुख अतिथि गगनकुमार थापा तथा विशिष्ट अतिथि कवि श्रवण मुकारूङ सहित प्रयागराज वाशिष्ठ, पुरूषाेत्तम दहाल र संगीतकार सुरेश अधिकारीले संयुक्तरूपमा विनाेद चालिसेकाे प्रथम कृतिस्वरूप प्रकाशित “तिम्राे आँखाकाे आकाश” विमाेचन गरेका थिए ।

गीति एल्वम् “मनकाे धून” मा संगीतकार शशिविक्रम थापा र ज्ञानकुमार खड्काले संगीत भरेका छन् भने   स्वरूपराज आचार्य, मेलिना राइ, ज्ञानकुमार खड्का र कृष्णकुमारकाे स्वर दिएका छन।