नेपाली कांग्रेस बुढानिलकण्ठ -१२ को इकाई सभापतिमा नवराज खनाल ( विक्रम ) को दावी

कपन अनलाइन

काठमाण्डौ ,भाद्र ११।

नेपाली कांग्रेस बुढानिलकण्ठ -१२ को इकाई सभापतिमा नवराज खनाल ( विक्रम ) ले दावी गरेका छन। नेपाली कांग्रेसको १४ औ महाधिवेसन नजिकिदा  वडा नं १२ को इकाई सभापतिमा खनालको  दावीलाई निकै अर्थपूर्ण रुपमा हेरिएको छ।

२०७४ शालको स्थानीय तहको निर्वाचनमा वडा नं १२ को सदस्य पदका उम्मेदवार खनाल साविक कपन गाविस इकाई समितिको कोषाध्यक्ष रहेका थिए।

हाल वडा नं १२ को  इकाई उपसभापति रहेका खनालले वडाको संगठन निर्माण र विस्तार गर्दै आगामी स्थानीय निर्वाचनमा नेपाली कांग्रेसलाई बिजयी गराउन आफ्नो उम्मेदवारी रहेको बताएका छन।

जीपी फाउन्डेसन काठमाण्डौ ४ (ख ) का उपसंयोजक समेत रहेका खनाल साविक कपन गाविसको तरुण दल अध्यक्षका रुपमा पनि सक्रिय रहेका थिए।