कागेश्वरी मनोहरा नगरपालिका  वडा नं ४ कोलमतेश्वर महादेव मन्दिर परिसरमा वृक्षारोपण

 कपन अनलाइन

काठमाडौं, श्रावण ३२। कागेश्वरी मनोहरा नगरपालिका  वडा नं ४ कोलमतेश्वर महादेव मन्दिर परिसरमा वृक्षारोपण गरिएको छ ।  नेपाल रेडक्रस कागेश्वरी मनोहरा उप शाखा र जन सुरक्षा कृषि सहकारी संस्थाको  संयुक्त आयोजनामा  आज बिहान बृहत वृक्षारोपण गरिएको हो हरियाली प्रवद्धन गर्ने उदेश्य सहित आयोजित उक्त कार्यक्रममा  कागेश्वरी मनोहरा नगरपालिका प्रमुख कृष्णहरि थापा उप प्रमुख बिन्दु पुडासैनी सिंखडा, वडा नं ४ का वडा अध्यक्ष भाइकाजी अधिकारी ,प्राध्यापक डा, ऋषिराम पोखरेल लगायत आयोजक संस्थाका पदाधिकारीहरुको उपस्थिति रहेको थियो ।

कार्यक्रममा करिब २ सय वटा  बिभिन्न प्रजातिका   बिरुवाहरु रोपिएको आयोजकले जानकारी गराएको छ ।कार्यक्रममा कोलमतेश्वर धामका प्रवर्तक प्राध्यापक डा. ऋषिराम पोखरेल लगायतलाई सम्मान गरिएको थियो ।  कार्यक्रममा बोल्दै नगरपालिका प्रमुख कृष्णहरि थापाले रोपिएको बिरुवा संरक्षणमा जोड दिएका थिए ।

 वृक्षारोपणले बातावरण सन्तुलन कायम गर्न सहयोग पुर्याउने  बताउदै अहिले हामीले गरेको वृक्षारोपणको कार्यले हाम्रो वातावरणलाई सफा स्वच्छ निर्मल राख्नुका साथै भावि पिंडीका लागी सम्पत्ति  बन्ने पनि उनले बताएका थिए । स्वच्छ हराभरा कागेश्वरी  मनोहरा  नगरपालिका बनाउन समेत  यस्ता कार्यक्रमले सहयोग पुर्याउने बताएका थिए ।