काठमाण्डौ -६ भृकुटीचोकबाट १ केजी गाँजाको धुलो (पोल्याण्ड ) सहित एक जना पक्राउ

कपन अनलाइन

काठमाण्डौ ,साउन ३१।

काठमाण्डौ -६ भृकुटीचोकबाट १ केजी गाँजाको धुलो (पोल्याण्ड ) सहित एक जना पक्राउ परेका छन। साउन ३० गते बेलुका करिव ५.३० बजेको समयमा कपन प्रहरीको टोलीले चेक जांच गर्दा  नियन्त्रित लागुऔषध गाँजाको धुलो (पोल्याण्ड) १ के.जि ३२ ग्राम सहित एक व्यक्तिलाई पक्राउ गरेको हो।

लागुऔषध विक्रि वितरण भई रहेको भन्ने गोप्य सुचनाको आधारमा महानगरीय प्रहरी प्रभाग कपन बाट खटिएको  प्रहरी टोलिले पाँचथर स्थायी घर भई हाल काठमाण्डौ -६  कपन तेन्जिङचोक बस्ने बर्ष २३ को दिपेन भारतीलाई नियन्त्रणमा लिई थप अनुसन्धान तथा कारबाहिको लागि महानगरीय प्रहरी वृत्त बौद्ध पठाएको छ।