टोकियो ओलम्पिक २०२० सम्पन्न

कपन अनलाइन

काठमाण्डौ ,साउन २५।

टोकियो ओलम्पिक २०२०  आइतबार सम्पन्न भएको छ । समापन समारोहमा अन्तर्राष्ट्रिय ओलम्पिक कमिटीका अध्यक्ष थोमस वाचले ‘टोकियो २०२०’ सम्पन्न भएको घोषणा गरेका हुन् ।
टोकियो ओलम्पिकमा सर्वाधिक ३९ स्वर्ण जित्दै अमेरिका पहिलो स्थानमा रह्यो  । उसले ४१ रजत र ३३ कास्यसहित कुल १ सय १३ पदक जित्यो भने दोस्रो स्थानको चीनले ३८​ स्वर्ण, ३२ रजत र १८ कास्यसहित कुल ८८ पदक जितेको छ।

त्यस्तै  तेस्रो स्थानको आयोजक जापानले २७ स्वर्ण, १४ रजत र १७ कास्यसहित ५८ पदक जित्यो भने  २२ स्वर्ण, २१ रजत र २२ कास्यसहित कुल ६५ पदक जितेको बेलायत चौथो र २० स्वर्ण, २८ रजत र २३ कास्यसहित कुल ७१ पदक जितेको रुसी ओलम्पिक कमिटी पाँचौ भएका छन ।