छिन्नमस्ता भगवतीको मन्दिरबाट चोरीएको चाँदीको  मुकुट सहित एक जना पक्राउ

कपन अनलाइन

जनकपुर श्रावण १८ । सप्तरीको प्रसिद्ध छिन्नमस्ता भगवती मन्दिरबाट चोरी भएको भगवतीको चाँदीको  मुकुटसहित एक जनालाई प्रहरीले  पक्राउ गरेको छ ।विष्णुपुर गाउँपालिका–५ मझाउ टोलका राजेश कुमार मण्डललाई आज बिहान मुकुट सहित  पक्राउ गरी अनुसन्धान सुरु गरिएको प्रहरीले जानकारी दिएको छ ।आइतबार साँझ पूजारी सरसफाईमा व्यस्त भएको मौका छोपेर मन्दिरबाट भगवतीको चाँदीको मुकुट चोरी भएको थियो । मुकुटको खोजीका लागि सप्तरी प्रशासनले भारतसँगको सीमा नै सिल गरेको थियो ।