चावहिलको हेल्दी स्माइल ओमकार डेन्टल होममा कार्यरत दुईजना भारतीय र एक नेपाली नागरिक पक्राउ

कपन अनलाइन

काठमाण्डौ ,साउन १८।

काठमाण्डौ  चावहिलमा रहेको  हेल्दी स्माइल ओमकार डेन्टल होम प्रालिमा कार्यरत दुईजना भारतीय र एक नेपाली नागरिक पक्राउ परेका छन।

नेपाल मेडिकल काउन्सिलबाट अनुमति नलिई बिरामीहरूको शल्यचिकित्सा गर्नेजस्ता काम गरेको भन्ने उजुरीका आधारमा नेपाल प्रहरीको केन्द्रीय अनुसन्धान ब्युरोबाट खटिएको प्रहरी टोलीले उनीहरूले पक्राउ गरेको हो ।

भारतीय नागरिक सौरभ कुमार, डा.रावेतरन्जन कुमार ठाकुर र उक्त डेन्टल होमका सञ्चालक राधाकृष्ण तामाङलाई पक्राउ गरेको प्रहरीले  बिना इजाजत बिरामीको स्वास्थ्यमाथि खेलबाड गरेकाले उनीहरूलाई कारवाहीका लागि नियन्त्रणमा लिएको बताएको छ।