नेकपा एमालेको तेस्रो पुस्ताका नेताहरुले पार्टी एकता अभियान शुरु गरे

कपन अनलाइन

काठमाण्डौ ,साउन ८।

नेकपा एमालेका तेस्रो पुस्ताका नेताहरुले पार्टी एकता अभियान शुरु गरेका छन् ।अध्यक्ष केपी ओली र माधव नेपाल समूहका सांसदहरु बिहीबार दिउँसो सिंहदरबारमा बैठक गरी एकता दबाब अभियान शुरु गरेका हुन् ।

अभियानमा ओली समूहका कृष्णप्रसाद दाहाल, सूर्य पाठक, एलपी साँवा, शान्ति पाख्रिन लगायत छन् भने नेपाल समूहका यज्ञराज सुनुवार, दीपकप्रकाश भट्ट, पवित्रा खरेल, नारायण खड्का लगायत छन् ।

पार्टी विभाजन रोक्न शीर्ष नेताहरुलाई दबाब स्वरुप यो अभियान शुरु गरेको र  निकट भविष्यमा यस अभियानलाई सशक्त बनाउने नेता यज्ञराज सुनुवारले बताएका छन् । साथै एकताका लागि अब सांसदहरुको हस्ताक्षर संकलन समेत गर्ने  योजना रहेको नेता सुनुवारले बताए ।

नेकपा एमालेका अध्यक्ष केपी शर्मा ओलीले आजै (बिहीबार) प्रधानमन्त्री देउवालाई विश्वासको मत दिएका २२ सांसदलाई ‘आममाफी’ दिएको घोषणा गर्दै अब पुराना विवाद विर्सेर पार्टी एकतामा फर्किन आग्रह गरिसकेका छन ।