काठमाडौंको जडिबुटीमा सवारी दुर्घटना हुँदा पैदलयात्रुको मृत्यु

कपन अनलाइन

काठमाण्डौ ,असार २३।

काठमाडौंको जडिबुटीमा सवारी दुर्घटना हुँदा पैदलयात्रुको मृत्यु भएको छ । मंगलबार राती साढे ८ बजेतिर सानो गाडीले ठक्कर दिँदा उछिट्टिएर ट्रकमुनि परेका पैदल यात्रुको मृत्यु भएको हो ।

प्रहरीका अनुसार पेप्सीकोलाबाट जडिबुटीतर्फ जाँदै गरेको गाडीले बाटो काट्दै गरेका सिन्धुपाल्चोकका अन्दाजी ४५ वर्षीय रमेश कार्कीलाई ठक्कर दिएको थियो । उक्त गाडीले ठक्कर दिएपछि उछिट्टिएर ना ६ ख ४३७५ नम्बरको ट्रकले किच्दा उनको घटनास्थलमै मृत्यु भएको हो ।

ठक्कर दिने गाडी अहिलेसम्म फरार रहेको छ । ट्रक चालकलाई भने ट्रकसहित प्रहरीले नियन्त्रणमा लिएको छ ।