लायन्स क्लब अफ काठमाडौं डाँफे र विश्व ज्योति साकोसले संयुक्त रुपमा नियमित रक्तदान गर्ने
कपन अनलाइन
काठमाडौँ, असार १४ । “रक्तदान गरौं, जीवन बचाउने अभियानमा सहभागी बनौं” भन्ने मूल नाराको साथमा २०७८ साल असार १९ गते शनिबार नियमित रक्तदान कार्यक्रम हुने भएको छ ।लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब अफ काठमाडौं डाँफे र विश्व ज्योति बचत तथा ऋण सहकारी संस्था लिमिटेडको संयुक्त आयोजनामा मा चामुण्डा माबी परिसर नारायणटारमा बिहान १० बजे देखि १ बजे सम्म सम्पूर्ण स्वास्थ्य सुरक्षा मापदण्ड अपनाई सुरक्षित तवर बाट संचालन हुने उक्त कार्यक्रममा सहभागी भई रक्तदान गर्न अनुरोध आयोजक ले अनुरोध गरेको छ।
लायन बर्ष २०२१।०२२ को इलेक्ट डिष्ट्रिक्ट गभर्नर लायन रेवत बहादुर कार्कीले लायन बर्षको सुरुवातको पहिलो हप्तालाई Service Week को रुपमा बिबिध सेवाका कार्यहरु गरि मनाउन गरेको आव्हानलाइ मध्येनजर गर्दै उक्त रक्तदान कार्यक्रम गर्न लागिएको लायन्स क्लब अफ काठमाडौं डाँफेका वर्ष २०२१/२२का प्रेसिडेण्ट इलेक्ट लायन बच्चुराम शर्मा कुईकेलले जानकारी गराए ।उनले सो कार्यक्रम मार्फत न्यूनतम ७५ पिन्ट रगत संकलन गर्ने लक्ष लिईएको जानकारी दिदै उक्त रक्तदान कार्यक्रममा नियमित रक्तदाताहरुलाई सहभागि भइ रक्तदान कार्यक्रम सफलता पूर्वक सम्पन्न गर्न सहयोग गर्न समेत अनुरोध गरेका छन। लायन्स क्लब अफ काठमाडौं डाँफेले प्रत्येक तीन तीन महिनामा नियमित रक्तदान कार्यक्रम गर्दै आएको छ ।
