विभिन्न संस्थाहरुद्धारा अक्सिजन सिलिन्डर सहित स्थानीय तहलाई स्वास्थ्य सामग्री हस्तान्तरण
कपन अनलाइन
काठमाण्डौ ,जेष्ठ २६।
बाल विकास समाज काठमाण्डौले वल्र्ड भिजन ईन्टरनेशनल नेपालको सहयोग साथै काठमाडौं महानगरपालिका वडां न. १६ र कीर्तिपुर नगरपालिकाको समन्वयमा बालसंरक्षण तथा समुदायमा आधारित बाल स्पोन्सरसिप परियोजना सञ्चालन गरिरहेको छ । विश्वको विभिन्न मुलुकसहित नेपालमा पनि नयाँ भेरियन्टको दोसा्रे लहरको कोरोना भाइरस संक्रमण दर तिब्र रुपमा बढी रहेकै छ ।
कोरोना भाइरसबाट कयौ बालबालिका लगायत अन्य व्यक्तिहरु पनि संक्रमित भैरहेका छन । माहामारीको अवस्थामा राज्यलाई महामारी नियन्त्रण गर्नका लागि थप सहयोग पुग्ने उद्देश्यका साथ वल्र्ड भिजन ईन्टरनेशनल नेपालको सहयोग तथा बाल विकास समाज र असल छिमेकी नेपालको संयुक्त साझेदारीमा काठमाडौं महानगरपालिका १६ लाई १५ थान र कीर्तिपुर नगरपालिकालाई २५ थान अक्सिजन सिलिन्डरसहित आवश्यक स्वास्थ्य सामग्री बाल विकास समाज र वल्ड भिजन नेपालका प्रतिनिधिले का.मा.नपा. १६ का वडा अध्यक्ष मुकुन्द रिजाल र कीर्तिपुर नगरपालिकाका नगरप्रमुख रमेश महर्जन तथा उपप्रमुख सरस्वती खड्कालाई संयुक्त रुपमा हस्तान्तरण गरेका थिए ।
कार्यक्रममा काठमाडौ महानगरपालिका १६ का वडा अध्यक्षले यस्तो महाव्यधिको समयमा संस्थाले अक्सिजनसहितका स्वास्थ्य सामग्री उपलब्ध गराएकोमा धन्यवाद भन्दै यो सामग्री रुकुमको जनमैत्री अस्पताललाई बुझाउने कुरासमेत बताउनु भएको थियो । जनमैत्री अस्पताल पत्रकार रवि लामिछानेको अगुवाइमा रुकुमको रास्कोटमा निमार्ण भएको हो ।
सो कार्यक्रममा पत्रकार रवि लामिछानेकोसमेत उपस्थिती रहेको थियो । यसैगरी कीर्तिपुर नगरपालिकाका नगरप्रमुखले महामारीको समयमा आवश्यक स्वास्थ्य सामग्री उपलब्ध गराएकोमा संस्थाप्रति आभार प्रकट गरेका थिए । कार्यक्रममा वल्डभिजनका सुरेन्द्र रत्न साक्य, विनय चौहान, गरिमा चौलागाई र बाल विकास समाजका प्रदिप श्रेष्ठकोसमेत सहभागिता रहेको थियो ।
