लायन्स क्लवको इन्टरनेसनल डाइरेक्टरमा सहमति जुटेन ,आज मतदान
कपन अनलाइन
काठमाडौं ,जेठ २२।लायन्स क्लब इन्टरनेसनल डिस्ट्रिक्ट ३२५ मल्टिपलको दुइ दिने कन्भेन्सनमा सहमतिको प्रयास सफल हुन् नसकेर आज मतदान हुने भएको छ ।
भर्चुअल माध्यमबाट भईरहेको उक्त कन्भेन्सनबाट लायन खगेन्द्र सिटौला र लायन बालकृष्ण बुर्लाकोटी मध्ये १ जना इन्टरनेसनल डाइरेक्टर निर्वाचित हुनेछन । सहमति र सहकार्यको लागि लायन्स लिडरहरु प्रयासरत रहे पनि अन्तत आज अपरान्ह १२ बजे देखि २ बजे सम्म मतदान हुने भएको हो ।
यसै विचमा हिजो शुरु भएको कन्भेन्सनको अन्तिम समयमा आइपुग्दा अहिले भोट तान्ने प्रतिस्पर्धा पनि निकै चलेको छ । यो कन्भेन्सनले निर्वाचित गर्ने नेतृत्वलाई करिव ३० हजार लायन्स सदस्यहरुले निकै चासोका साथ हेरेका छन।
लायन्स क्लब इन्टरनेसनल डिस्ट्रिक ३२५ मल्टिपल कन्भेन्सनमा डिस्ट्रिक ए १ मा ६०१,ए २ मा ४६१ ,बि १ मा ११६८ र बि २ मा ७४७ मतदाता रहेका छन।नेपालमा हालसम्म चार वटा डिस्ट्रिक रहेका छन ।
चार डिस्ट्रिकबाट चयन भएर आएका मध्यबाट लायन्स क्लव अन्तराष्ट्रिय मल्टीपल ‘३२५’ बाट एक जना चुनिएर जानुपर्ने लायनको अन्तराष्ट्रिय मान्यता रहेको छ ।
सोहि मान्यता अनुसार २०१४ र १५ मा अन्तराष्ट्रिय निर्देशकमा लायन्स क्लव अन्तराष्ट्रिय ‘३२५ बि’ बाट लायन्स संजय खेतान सर्वसम्मत रुपमा विजयी बनेका थिए।
