कमरेडलाई प्रश्न : हेमचन्द्र दाहाल (कविता )
कपन अनलाइन
काठमाण्डौ ,जेष्ठ १५ ।
अन्त्य हुदै गरेको राजतन्त्र
अनि मौलाउदै गरेको
गणतन्त्रको भुमरीमा
फसेका ती गरिव जनतालाई
के नै दियौं र कमरेड?
पढेर केही गर्छु भनी
विद्यालय गएकी मेरि दिदिलाई
पढ्नु पर्दैन भनी उतै उतैबाट
युद्धमा लागि
बेरोजगारीको उपाधी बाहेक
अरु के नै दियौं र कामरेड?
हलो जोत्दै गरेको
मेरो ठुल्दाइलाई
राजतन्त्रको अन्त्य गर्न भनी
युद्धमा लगेर उतै उतैबाट
बेपत्ता पर्यौ
आखिर राणा शासन भन्दा
फरक के नै दियौं र कमरेड?
तिम्रो समर्थनमा बोल्दाखेरी
सरकार पक्षबाट मर्यो भनी
फ्यालेको मेरो माल्दाइ
तिमी सरकारमा पुगेपछि
कहिल्यै कस्तो छ भनी
सोध्यौ र कमरेड?
निमुखाको सरकार बन्छ भनी
ल्याएको गणतन्त्र
फेरि कोरोना कहर
अनि त्यो लामो लक्डाउनको लागि
जनतालाई पाँच केजी चामल
अनि राष्ट्रपतिलाई
महङ्गो कार्पेट बाहेक
अरु के नै दियौं र कामरेड?
जनतालाई गणतन्त्र आएको
अनुभव
कसरी दियौं र कमरेड
कहिले दिलायौ र कमरेड?
त्यही निरङ्कुश पन्चायती
शासक भन्दा फरक व्यवहार
कसरी गर्यौ र कमरेड?
त्यसैले गणतन्त्र हटाएर
नयाँ निरङ्कुश
भनी नामाकरण गरे
कसो होला त कमरेड?
