ओखलढुंगाका युवा नेताहरुको पहलमा स्वास्थ्य सामाग्री हस्तान्तरण
कपन अनलाइन
ओखलढुंगा ,जेष्ठ ८।
राष्ट्रिय युवा संघ नेपालका नेताहरुको पहलमा ओखलढुंगामा स्वास्थ्य सामाग्री वितरण गरिएको छ।राष्ट्रिय युवा संघ नेपालका केन्द्रीय सदस्यहरु भक्त राई, सरोज श्रेष्ठ, शोचन शाक्य, प्रचण्ड खड्का र निराजन पौड्यालको पहलमा रकम संकलन गरि ३ लाख बराबरको स्वास्थ सामाग्री हस्तान्तरण गरिएको छ।
उक्त स्वास्थ्य सामाग्री जिल्ला प्रशासन कार्यालय, जिल्ला प्रहरी कार्यालय, जिल्ला स्वास्थ्य कार्यालय, सिद्धिचरण नगरपालिका र ओखलढुंगा सामुदायिक अस्पताललाई हस्तान्तरण गरिएको हो ।
युवासंघका नेताहरुले शुक्रबार जिल्ला प्रहरी कार्यालयलाई ५ सय थान मास्क, १० लिटर सेनिटाइजर, १० थान फेससिल्ड र १ थान अक्सिमिटर प्रदान गरेको छ ।
यस्तै जिल्ला प्रशासन कार्यालयलाई २ सय थान मास्क, १० लिटर स्यानिटाइजर, सिद्धिचरण नगरपालिकालाई ६ सय थान मास्क, २ थान अक्सिमिटर, २० थान फेससिल्ड, र ५ लिटर सेनिटाइजर, जिल्ला सामुदायिक अस्पताल सोब्रुलाई ५० थान एन्टिजेन किट, ५ सय थान मास्क र ५ लिटर सेनीटाइजर वितरण गरेको छ भने जिल्ला स्वास्थ्य कार्यालयलाई २५ थान एन्टिजेन किट, २ सय थान मास्क र ५ लिटर सेनिटाइजर हस्तान्तरण गरिएको छ ।
