सिंहदरबारमा नेकपा एमालेका नेताहरू बीच बैठक जारी

कपन अनलाइन

काठमाण्डौ ,बैशाख ३१ ।

नेकपा एमालेका  नेताहरू बीचको भेटवार्ता सुरु भएको छ । अहिले सिंहदरबारमा बसेको बैठक बसिरहेको छ । बैठकमा नेपाल पक्षका नेताहरु भीम रावल, अष्टलक्ष्मी शाक्य, सुरेन्द्र पाण्डे, घनश्याम भुसाल, गोकर्ण विष्ट र रघुजी पन्त छन् ।

ओली पक्षबाट गृहमन्त्री समेत रहेका रामबहादुर थापा बादल, उपप्रधानमन्त्री ईश्वर पोखरेल,  विष्णु पौडेल, सुवास नेम्वाङ लगायत सहभागी छन् ।

ओली र नेता नेपालबीच बिहीबार पनि छलफल भएको थियो । बूढानीलकण्ठस्थित एक व्यापारीको घरमा भएको वार्ताले पार्टीको विवाद समाधानका लागि कार्यदल बनाउने समझदारी भएको थियो । २०७५ जेठ २ अघि फर्कन ओली तयार भएको बताइएको छ ।