टोखा नगरपालिकामा संक्रमण उच्च ,एकै दिन ६७४ जना कोरोना संक्रमित थपिए
कपन अनलाइन
काठमाडौँ, बैशाख २७।
पछिल्लो २४ घण्टामा टोखा नगरपालिकामा ६७४ जना कोरोना संक्रमित थपिएका छन् ।टोखा नगरपालिकाको कोभिड-१९ दैनिक रिपोर्ट अनुसार सोमबार संक्रमित पुष्टि हुनेमा ३३७ महिला र ३३७ पुरुष रहेका छन् ।
पुष्टि भएका संक्रमितहरु मध्य ५४८ जना होमआइसोलेसनमा, १७ जना अस्पतालमा र २ जना होटेलमा रहेका छन् भने ११७ जना अन्यको पहिचान खुल्न सकेको छैन् ।
सोमबार ५४ जनाको एन्टिजेन परीक्षण गरिएको छ । हाल टोखा चण्डेश्वरी प्राथमिक स्वास्थ्य केन्द्र आइसोलेसन केन्द्रमा १६ जना संक्रमित रहेका छन् ।
टोखा नगरपालिकाले हप्ताको ३ दिन कोरोना संक्रमितको सम्पर्कमा आएकाहरुको निःशुल्क पीसीआ तथा एन्टिजेनबाट कोरोना परीक्षण समेत गर्दै आइरहेको छ । आइतबार टोखा – २ मा स्थित टोखा चण्डेश्वरी प्राथमिक स्वास्थ्य केन्द्र, मंगलबार टोखा- ११ मा स्थित मनोहरा पार्टी र शुक्रबार टोखा -५ स्थित श्रीसमाज भवन बसुन्धारमा बिहान ११ बजेदेखि सञ्चालन गर्दै आइरहको छ ।
देशभर सोमबार संक्रमित पुष्टि हुनेमा ९ हजार २७१ जना रहेका छन् । हालसम्म नेपालमा कोरोना संक्रमितको कुल संख्या ९३ हजार १४१ पुगेको छ । यस्तै स्वास्थ्य मन्त्रालयका अनुसार पछिल्लो २४ घण्टामा थप १३९ जनाको कोरोनाबाट मृत्यु भएको छ भने ४ हजार ७ जना डिस्चार्ज भएका छन् ।
