चितवनको माडीमा कोरोना संक्रमित एक युवकले झुण्डिएर देहत्याग गरे

कपन अनलाइन

काठमाण्डौ ,बैशाख २३।

चितवनको  माडीमा कोरोना संक्रमित एक युवकले गए राती झुण्डिएर देहत्याग गरेका छन् । माडी नगरपालिका वडा नं -३, इनारबरुवा गाउँ निवासी बर्ष ३२ का संक्रमित युवकले झुण्डिएर देहत्याग गरेका हुन ।

करीब एक साताअघि भारत बिहारमा सम्पन्न बैवाहिक कार्यक्रममा सहभागी भई फर्किएका उनलाई परिवार र छिमेकीहरुले घरसंगैको गोठमा ‘आइसोलेशन’मा राखेका थिए ।

लगातार झाडापखाला लागेका उनको स्वाब परीक्षण गर्दा कोरोना संक्रमण पोजेटिभ देखिएको थियो । उनले गएराती झुण्डिएर देहत्याग गरेको ईलाका प्रहरी कार्यालय माडीले जनाएको छ । पिपिई सहित अन्य सुरक्षाको उपाय सहित घटनाको अनुसन्धान र शव व्यवस्थापन गर्न लागिएको प्रहरीले जनाएको छ ।