ओखलढुंगाको खिजिदेम्बामा फेला परेको बम सेना दवारा निष्क्रय

कपन अनलाइन

ओखलढुंगा  ,बैशाख १३।

खिजिदेम्बा गाउँपालिकामा फेला परेको पाईप बम नेपाली सेनाको टोलीले निष्क्रय पारेको छ । आईतबार खिजिदेम्बा गाउँपालिका ८ स्थित घुन्सा खोलाको ओढारमा फेला परेको दुई थाप पाईप बम अरिदमण गुल्मका सेनाको टोलीले निष्क्रय पारेको हो ।

जंगलमा बालाबालिकाहरु घास काट्न जादाँ फेला परेको बमलाई जिल्लाबाट गएको नेपाली टोलीले बेलुका निष्क्रय पारेको जिल्ला प्रहरी कार्यलय ओखलढुंगाका प्रहरी निरिक्षक शिव कट्टेलले जानकारी दिए । संसस्त्र द्वन्द्वकालको समयमा राखिको बम भएकाले निकै पुरानो र खिया परेको अवस्थामा रहेको पाईएको थियो ।

बालबालिकाले बोकेर केही मिटर पर लगेर छोडेको बमलाई स्थानिय प्रहरीले सुरक्षित गरि राखेको र बेलुका जिल्लाबाट टोली पुगेपछि डिस्पोज गरिएको प्रहरी निरीक्षक कट्टेलको भनाई छ ।समाचार सौजन्य : ओखलढुंगा न्युज