नेकपा माओवादी केन्द्र ओखलढुंगा – काठमाण्डौ सम्पर्क कमिटी गठन ,अध्यक्षमा राम कुमार पौडेल
कपन अनलाइन
काठमाण्डौ ,बैशाख १२।
नेपाल कम्युनिस्ट पार्टी (माओवादी केन्द्र) ओखलढुंगा-काठमाडौं सम्पर्क समिति भेला सम्पन्न भएको छ। केन्द्रीय कार्यालय पेरिसडाँडा काठमाण्डौमा भएको उक्त भेलाले राम कुमार पौडेलको अध्यक्षतामा ७५ सदस्यीय कमिटी गठन गरेको छ ।
नेकपा माओवादी केन्द्रका केन्द्रीय सदस्य तथा सम्पर्क समन्वय समितीका सह इन्चार्ज क.डिल्ली राज आचार्यको प्रमुख आतिथ्यता र केन्द्रिय सदस्य तथा १ प्रदेश सम्पर्क समन्वय समिती सचिव ध्रुव आङ्दाम्वे ,प्रदेश कमिटी सदस्य द्वय अनिल योगि र चम्पा कार्की “आशा” को उपस्थितिमा भएको सो भेलाले प्रदेस क्षेत्रीय संयोजक पनि चयन गरेको थियो।
सो भेलाले कमिटीको उपाध्यक्षमा भोलेन्द्र कुमार बानियाँ, सचिवमा लोकेन्द्र जेरो किराँती,कोषाध्यक्षमा उर्मिला बस्नेत र सहसचिवमा कुल बहादुर मगर लाई चयन गरेको छ भने क्षेत्र क संयोजकमा मनोज खतिवडा र निर्वाचन क्षेत्र ख संयोजकमा बिष्णु गिरी चयन भएका छन ।
