द भोइस अफ नेपालमा बुढानिलकण्ठकी निहारिका ज्ञवालीको दमदार प्रस्तुति,तिन कोच ‘स्टिल’

कपन अनलाइन

काठमाण्डौ ,बैशाख ११।

चर्चित गायन रियालिटी शो द भोइस अफ नेपालमा बुढानिलकण्ठ नगरपालिका वडा नं १० की निहारिका ज्ञवालीको दमदार प्रस्तुतिले तिन निर्णायक ‘स्टिल’ भएका छन।

द भोइस अफ नेपालको ब्याटल राउण्डमा कोच राजु लामाको टीम बाट उत्रिएका निहारिका ज्ञवाली र तारा सिरिष  मगर विच भएको प्रतिस्पर्धामा छनौट नभए पनि शो को विशेष प्रावधानमा कोच दिप श्रेष्ठ,प्रमोद खरेल र तृष्णा गुरुङले ज्ञवालीलाई चयन गरेका थिए।

शो मा भएको ब्याटलमा कोच राजुले तारा सिरिष मगरलाई नाक आउट राउण्डका लागि छाने पछी विरलै देख्न सकिने दृश्य देखिएको थियो जसमा ज्ञवालीलाई प्रतियोगितामा राख्न तिनै जना कोचले बजर दबाएका थिए।

ज्ञवालीले तिन जना कोच मध्ये कोच प्रमोद खरेललाई चयन गरेकी थिइन् ।